प्रतिमा निर्मिती....मराठी वात्रटिका

आजची वात्रटिका
---------------------------

प्रतिमा निर्मिती

ऐतिहासिक प्रतिमा,
उलट्या सुलट्या करू लागले.
कुणी लागले डरंगळायला,
कुणी उलट्या करू लागले.

ऐतिहासिक प्रतिमांना,
आपल्या सोयीचे अर्थ आहेत.
प्रतिमा निर्मितीही तशीच,
जसे आपले आपले स्वार्थ आहेत.

याचा अर्थ मात्र असा नाही,
सर्वच्या सर्व प्रतिमा खऱ्या आहेत!
तरीही आपलीच पंचायत नको,
जरी आपल्याच मोऱ्या आहेत !!

-सूर्यकांत डॊळसे,पाटोदा(बीड)
मोबाईल-9923847269
-----------------------
चिमटा-6681
दैनिक पुण्यनगरी
वर्ष -18 वे
4जानेवारी2023