साडेसाती...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

साडेसाती

राजकारणाबरोबर क्रिकेटचे,
खरे तर खूप जुने नाते आहे.
विश्वकप 2023 च्या निमित्ताने,
त्याच्यावर शिक्कामोर्तब होते आहे.

सर्वच राजकारण्यांकडून विश्वकपाचा,
राजकारणासाठी सोयीने वापर आहे.
इतिहासात प्रथमच खेळाडू सोडून,
'पनवती' वर पराभवाचे खापर आहे.

अंधभक्त तर अंध आहेतच,
पण डोळसही अंध झाले हे अति आहे !
सगळाच गोंधळ उडालाय,
नेमकी कुणा मागे साडेसाती आहे ?

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8399
दैनिक झुंजार नेता
वर्ष -23वे
22नोव्हेंबर2023