डेंगी ताप...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

डेंगी ताप

अफवा आणि वावड्यांचा,
राजकारणाला तर शाप आहे.
त्यामुळेच म्हणायला लागले,
हा डेंगी ताप की सोंगी ताप आहे ?

डेंगी डास राष्ट्रवादी असावेत,
अशी विरोधकांना शंका आहे.
डासांची फक्त गुणगुण असते,
आता तर डासांचा डंका आहे.

निदान होऊनही कळेना,
कोणते गुपित लपलेले आहे !
त्यामुळेच डेंगीच्या आजाराने,
राजकारण तापलेले आहे !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8395
दैनिक झुंजार नेता
वर्ष -23वे
18नोव्हेंबर2023