राजकीय आजारपण....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

राजकीय आजारपण

राजकीय नेत्यांच्या आजाराने,
कार्यकर्ते बेजार आहेत.
अत्यंत अनाकलनीय असे,
नेत्या-नेत्यांचे आजार आहेत.

नेत्यांच्या आजारपणाचा,
प्रकार पुन्हा पुन्हा घडतो आहे.
जो तो आपाआपल्या सोयीने,
पाहिजे तेव्हा आजारी पडतो आहे.

प्रत्येकाच्या राजकीय आजाराचे,
अगदीच वेगवेगळे लक्षण आहे !
वादावादी पासून दूर कसे राहावे?
आजारपणातून शिक्षण आहे !!

-सूर्यकांत डॊळसे,पाटोदा(बीड)
मोबाईल-9923847269
----------------------------
दैनिक वात्रटिका
वर्ष -3 रे
11नोव्हेंबर2023