निळे सत्य... मराठी वात्रटिका

आठवणीतील 

वात्रटिका

-------------------------

निळे सत्य

ज्यांनी मांडला बाजार तुझा,

त्यांचीच तर मौज आहे. 

भिमा, तुझ्या सैनिकांची 

आज तैनाती फौज आहे.

कुणी यांच्या टोळीत आहेत, 

कुणी त्यांच्या टोळीत आहेत. 

वाघ होवून जगतो कोण? 

लाचारीने गोंडे घोळीत आहेत.

ऐक्या-बिक्याचे नंतर बघू, 

जगण्यात तरी कुठे सख्य आहे? 

गुलामगिरीची जाणिवच नाही,

 मग बंड तरी कसे शक्य आहे?

खऱ्या शत्रूची ओळख नाही, 

नको तिथेच माथा ठेवत आहेत ! 

तरीही नैराश्याच्या ढगा आडून 

काही निळ्या ज्योती तेवत आहेत !!

-सूर्यकांत डोळसे, पाटोदा (बीड)

मोबा.9923847269

-----------------------------

फेरफटका-5848

दै झुंजार नेता 

12एप्रिल 2016

-------------------------------

------------------------------

*विशेष सूचना-*

1)माझ्या वात्रटिकात काही आक्षेपार्ह वाटले तर माझ्या मूळ पोस्ट तपासाव्यात किंवा माझ्याशी प्रत्यक्ष संपर्क साधून खात्री करावी.

2)सदरील वात्रटिकांमध्ये काही टायपिंग मिस्टेक असेल तर मला त्वरित कळवा.

3) वैयक्तिक अभिप्राय दिल्यास उत्तम.

जे वात्रटिका शेअर करीत आहेत त्यांचे विशेष आभार.

4) माझ्या प्रसिद्ध असलेल्या 17 हजारांहून जास्त वात्रटिकापैकी 7 हजार वात्रटिका एका क्लिकवर वाचू शकता

https://suryakantdolase.blogspot.com/?m=1

5) माझ्या बाल वात्रटिका वाचण्यासाठी क्लिक करा

https://balsuryakanti.blogspot.com

6) वात्रटिकांविषयी सर्व काही एकाच वेळी...एकाच ठिकाणी !! अर्थात *साप्ताहिक* *सूर्यकांती* खास मराठी वात्रटिकांसाठी वाहिलेले पाहिले आणि एकमेव ऑनलाईन साप्ताहिक https://weeklysuryakanti.blogspot.com

7) माझ्या *सूर्यकांती Live* या यूट्यूब चॅनलला नक्की भेट द्या...लाईक करा...*सबस्क्राईब* करा !! https://www.youtube.com/user/suryakantdolase

8 ) माझे आजपर्यंतचे सर्व वात्रटिका संग्रह डाऊनलोड करण्यासाठी क्लिक करा

https://vatratikaebooks.blogspot.com

9)माझ्या शेकडो कविता वाचण्यासाठी क्लिक करा

https://surykanti.blogspot.com

10) माझ्या विडंबन कविता वाचण्यासाठी किलक करा

https://suryakanti1.blogspot.com

11) *दैनिक* *वात्रटिका* चे आजपर्यंतचे सर्व अंक वाचण्यासाठी क्लिक करा

https://suryakantdolase.blogspot.com

-सूर्यकांत डोळसे

12एप्रिल2022

काय होते बाबासाहेब.... मालिका वात्रटिका

मालिका वात्रटिका

-----------------

काय होते बाबासाहेब...... 

दीन,दलित,गोरगरीबांची

आई होते बाबासाहेब .

पिचलेल्या,ठेचलेल्यांची

दाई होते बाबासाहेब

दाबलेल्या आवाजाचा

हुंकार होते बाबासाहेब.

तार नसलेल्या विणेचा

झंकार होते बाबासाहेब.

प्रयत्न..प्रयत्न...प्रयत्न

यशस्वी प्रयत्न होते बाबासाहेब.

मोजून मोपून सांगायचे तर 

अक्षरश: चौदावे रत्न होते बाबासाहेब.

अंधाराला प्रकाशाशी जोडणारी

नाळ होते बाबासाहेब.

दांभिकतेच्या कानाखालचा

जाळ होते बाबासाहेब.

प्रज्ञा,शील,करूणेचे

बीज होते बाबासाहेब.

सुभेदार रामजींच्या कष्टाचे

चीज होते बाबासाहेब.

बुद्ध,कबीर,फ़ुलेंचा

सार होते बाबासाहेब.

लवलवत्या लेखणीची

धार होते बाबासाहेब.

निद्रिस्त लाव्हा पाहून

खूप दु:खी होते बाबासाहेब.

संस्कृतीला ढुसण्या देणा्रा

ज्वालामुखी होते बाबासाहेब.

महाडच्या चवदार तळ्याची

निळाई होते बाबासाहेब.

डोळ्यातल्या आभाळाची

जळाई होते बाबासाहेब.

बुद्धांच्या करूणेचा

सागर होते बाबासाहेब.

शाहू महाराजांच्या लढ्याचे

आगर होते बाबासाहेब.

यारांचे यार आणि

दुश्मनांचे मित्र होते बाबासाहेब.

अजिंठा-वेरूळ्च्या लेण्यातील

कोरीव चित्र होते  बाबासाहेब.

मनुस्मृतीला भस्म करणारी

आग होते बाबासाहेब.

शेळपट जिणं नाकारणारे

वाघ होते बाबासाहेब.

सवितेची कविता,

लेकरांची रमाई होते बाबासाहेब.

थकल्या-भागल्या जीवासाठी

प्रेमळ भिमाई होते बाबासाहेब.

किती सांगु?किती नाही?

तरी उरून राहतात बाबासाहेब?

नको नको रे हा नादानपणा

कुठून तरी पाहतात बाबासाहेब !!

-सूर्यकांत डोळसे,पाटोदा(बीड)

मोबाईल -9923847269

-------------------------------------

पूर्वप्रसिद्धी-दैनिक पुण्यनगरी

14 एप्रिल 2008

-------------------------------------

नम्र विनंती-

सदरील कविता सोशल मिडियावर निनावी आणि कुणी स्वतः चे नाव वापरून शेअर करत आहे.आपल्याला असे आढळले तर असे करणारास कल्पना द्यावी

-------------------------------------

वाचा आणि इतरांनाही शेअर करा.

माझ्या दैनिक पुण्यनगरीतील

'चिमटा'

आणि दैनिक झुंजार नेता तील

'फेरफटका'

या सदरातील

आणि साप्ताहिक सूर्यकांती मधील

सतरा हजारांपैकी,

सहा हजारांहून जास्त निवडक

वात्रटिका

वाचण्यासाठी आणि इतरांना

शेअर करण्यासाठी क्लिक करा.

https://suryakantdolase.blogspot.in