दांडी गुल ...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------

दांडी गुल

तमाम भारतीय क्रिकेटवेड्यांची,
इच्छा अखेर फळास आली आहे.
आयआयटीवाल्या बाबा बरोबर,
पाकिस्तानची दांडी गुल झाली आहे.

आपलाच देश जिंकणार....
अशी दोन्हीही देशात एकवाक्यता होती.
यात भविष्य सांगण्यासारखे काय होते?
विजयाची फिफ्टी-फिफ्टी शक्यता होती.

चौकार आणि षटकारासोबतच,
फटका कानमागेही खेचला आहे!
भविष्यवाणी नेहमी बंडल असते,
हा चांगला संदेश सर्वत्र पोचला आहे !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8839
वर्ष-25 वे
दैनिक झुंजार नेता
24फेब्रुवारी2025