मिथ्या समर्थन...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------

मिथ्या समर्थन

जिकडे बघावे तिकडे,
राजकीय उड्याच उड्याआहेत.
वास्तव नाकारून ते सांगतात,
ह्या तर निव्वळच पुड्या आहेत.

ज्याला जी पाहिजे ती,
आपल्या सोयीची भूमिका घेते आहे
पक्षांतर आणि भूमिकांतर,
यांचे तर अगदी घट्ट असे नाते आहे.

कुणाच्याही राजकीय भूमिकांतरात,
सांगा फारसा कुठे दुरावा आहे ?
आपल्या बदललेल्या भूमिकांना,
दुसऱ्यांच्या भूमिकांचा पुरावा आहे !


-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8816
वर्ष-25 वे
दैनिक झुंजार नेता
1 फेब्रुवारी2025