डबल गेम...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------

डबल गेम

त्या त्या लाडक्या बहिणी,
सांगा आता कुठे सुखी आहेत?
ज्यांच्या कुणाच्या दारासमोर,
स्वतःच्याच चार चाकी आहेत.

ज्याचे त्याला कळून चुकले,
कुणाचे कुणावर कसले प्रेम आहे?
त्या त्या बहिणींनाही फटका,
ज्यांचा भावांशी 'डबल गेम' आहे.

झाले गेले गंगेला मिळाले,
वसुली ऐवजी हे मात्र ठीक आहे !
तिच्यामध्ये सावत्रभाव जागणारच,
जी कुणी पाच लाखातली एक आहे !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8823
वर्ष-25 वे
दैनिक झुंजार नेता
8फेब्रुवारी2025