शिवबा नावाचा विषय...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------

शिवबा नावाचा विषय

शिवबा नावाचा महा विषय,
उरणार आणि सरणार नाही.
शिवबा नावाचा विषय वगळता,
महाराष्ट्र महाराष्ट्र उरणार नाही.

शिवबाशिवाय काळोख आहे,
शिवबा महाराष्ट्राची ओळख आहे.
कपाळा-कपाळावर शिवबा,
ठसठशीत आणि ठळक आहे.

शिवबा महाराष्ट्राचा इतिहास,
शिवबा वर्तमान आणि भविष्य आहे !
पारतंत्र्याच्या काळया पानावरचे,
शिवबा स्वराज्य नावाचे भाष्य आहे !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8834
वर्ष-25 वे
दैनिक झुंजार नेता
19फेब्रुवारी2025