कट्टरता आणि गुलामी...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------

कट्टरता आणि गुलामी

कार्यकर्त्यांच्या कट्टरतेला,
आमचा सलाम आहे.
कार्यकर्ता तेवढा कट्टर,
जेवढा तो गुलाम आहे.

कट्टरता आणि गुलामी,
समानार्थी शब्द आहेत.
याचे पुरावेच पुरावे,
दारा-दारात सिद्ध आहेत.

कट्टरता आणि गुलामीचाही,
अंधत्व हाच पाया आहे !
कट्टर कट्टर कार्यकर्त्यांची,
त्यामुळेच तर दया आहे !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8828
वर्ष-25 वे
दैनिक झुंजार नेता
13फेब्रुवारी2025