'बुम'रँग...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका

--------------------

'बुम'रँग

कुणाच्या आयुष्यात किती डोकवावे?

चॅनलवाल्यांना भान उरलेले नाही.

इतरांचे उकांडे उचकताना,

स्वतःचे काही स्थान उरलेले नाही.

बाथरूम काय? बेडरूम काय?

अजून कुठे कुठे घुसलेले आहेत?

आपल्याच कॅमेऱ्याने आपले,

चेहरे विद्रुप करीत बसलेले आहेत.

इतरांशी स्पर्धा करता करता,

जणू असंगाशी संग होतो आहे!

आपणच समोर धरलेला बूम,

आपल्या वरतीच बुमरँग होतो आहे!!

-सूर्यकांत डॊळसे,पाटोदा(बीड)

मोबाईल-9923847269

-------------------------------

फेरफटका-8822

वर्ष-25 वे

दैनिक झुंजार नेता

7फेब्रुवारी2025