स्वप्नपूर्ती...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------

स्वप्नपूर्ती

जशी बाहेर मराठी आहे,
तशी आत मराठी आहे.
अभिमानाने गातो आम्ही,
अभिजात मराठी आहे.

रडणे कुढणे पुरे झाले,
आनंद तिच्यासाठी आहे.
सर्व बोली गाऊ लागल्या,
अभिजात मराठी आहे.

तनात आहे,मनात आहे
सर्वात मराठी आहे !
श्वासातून आवाज येतो,
अभिजात मराठी आहे !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8842
वर्ष-25 वे
दैनिक झुंजार नेता
27फेब्रुवारी2025