इशाराही काफी है.....

पिऊन वाहन चालवायचा
ज्याला ज्याला कंड आहे.
मोटार वाहन कायद्यानुसार
त्याला वाढीव दंड आहे.

वाढलेला दंड तर
मधल्या मध्ये ढापला जाईल!
चिरीमिरी देऊन-घेऊन
कायदा रस्त्यावर जपला जाईल!!

- सूर्यकांत डोळसे, पाटोदा (बीड)

इशाराही काफी है

दहशतवादाचा अर्थ
सोसणारालाच कळू शकतो.
दहशतवादाचा राक्षस
पोसणारालाच गिळू शकतो.

अमेरिका,पाकिस्तान
हे त्याचे जिवंत दाखले आहेत !
आम्हांला काय म्हणायचे आहे,
कळणारे कळून चुकले आहेत !!

-सूर्यकांत डोळसे,पाटोदा (बीड)