आजची वात्रटिका
---------------------------
मेळाव्यांचा दसरा
कुठे पक्षांचा 'फड'फडाट असतो,
कुठे नेत्यांचा 'गड'गडाट असतो.
कुठे नुसताच बडबडाट होतो,
कुठे टाळ्यांचा कडकडाट असतो.
कार्यकर्ता तितुका मेळवला जातो,
गर्दीचाच खेळ खेळवला जातो.
भक्ती - शक्तीच्या प्रदर्शनासाठी,
गर्दीचा आकडा जुळवला जातो.
खाऊगर्दी आणि भाऊगर्दीने,
गर्दीचा विक्रम मोडला जातो !
दसऱ्याच्याच मुहूर्तावर,
मेळाव्यांचा दसरा काढला जातो !
-सूर्यकांत डॊळसे,पाटोदा(बीड)
मोबाईल-9923847269
-----------------------
चिमटा-6599
दैनिक पुण्यनगरी
5ऑक्टोबर2022
