स्वीकृती ते विकृती

नको त्याला सदस्यत्व देण्यास
पक्षीय स्वीकृती असते.
हे कसले राजकारण?
ही तर राजकीय विकृती असते.

स्वीकृतीकडून विकृतीकडे
सदस्यत्वाचा ओघ आहे!
लोकशाहीच्या विकृतीकरणाचा
हा संसर्गजन्य रोग आहे!!

- सूर्यकांत डोळसे, पाटोदा (बीड)
 

सत्तेचा कुंभमेळा

नाशिकच्या महापौरपदावर
सगळय़ांचाच डोळा आहे.
सगळेच संधिसाधू
डोक्यात 'कुंभमेळा' आहे.

आलेली संधी सोडायची नाही
त्यांचा सत्तेसाठी दणका आहे!
सगळय़ांचीच तपश्चर्या भंगली
सत्ता म्हणजे मेणका आहे!!

- सूर्यकांत डोळसे,पाटोदा(बीड)