एन्काउंटरचे पोस्टमार्टम....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका

------------------------

एन्काउंटरचे पोस्टमार्टम

एन्काउंटरचा अर्थ,

बघा नेमका काय असतो?

एन्काउंटर म्हणजे,

रस्त्यावरचा न्याय असतो.

जो कुणाला न्याय वाटतो,

तोच कुणाला अन्याय वाटतो.

पुन्हा पुन्हा खोलात जाणारा,

बुडत्याचा पाय वाटतो.

कुठे एन्काउंटरचा जल्लोष,

कुठे एन्काउंटरचा वाद असतो!

बंदुकीच्या गोळीला तर,

फक्त रक्ताचा नाद असतो!!

-सूर्यकांत डॊळसे,पाटोदा(बीड)

मोबाईल-9923847269

----------------------------------

फेरफटका-8232

दैनिक झुंजार नेता

वर्ष -23वे

17एप्रिल2023