मोर माचाये शोर....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
------------------------

मोर माचाये शोर

जंगलातले सगळेच मोर,
थयथयाट करीत नाचू लागले.
घाबरलेल्या मनाने,
हनुमान चालीसा वाचू लागले.

वन्स मोअरचा आग्रह.
मोरच मोरांना धरू लागले.
हनुमान चालीसा सोबत,
रामनामाचा शोर करू लागले.

नाही तरी दुसरे काय?
बिचाऱ्या मोरांच्या हाती आहे?
राष्ट्रीय पक्षाचा दर्जा जायची,
आजकाल मोरांनाही भीती आहे!

-सूर्यकांत डॊळसे,पाटोदा(बीड)
मोबाईल-9923847269
---------------------------------
चिमटा-6777
दैनिक पुण्यनगरी
वर्ष -19वे
14एप्रिल2023