सत्य बोध...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
------------------------

सत्य बोध

तुम्ही सत्याचे शोधक व्हा,
तुम्ही सत्याचे बोधक व्हा,
सत्य ही एक साधना आहे,
तुम्ही सत्याचे साधक व्हा.

असे नाही, सत्य पचत नाही,
असेही नाही, सत्य रुचत नाही.
सत्यामुळे ते गोंधळून जातात,
मग स्वार्थापुढे काही सुचत नाही.

सत्य काही काळ टोचले जाते,
सत्य काही काळ जाचले जाते!
एकदा स्वार्थ संपला की,
कोणतेही सत्य पचले जाते !!

-सूर्यकांत डॊळसे,पाटोदा(बीड)
मोबाईल-9923847269
--------------------------------------------
चिमटा-6774
दैनिक पुण्यनगरी
वर्ष -19वे
11एप्रिल2023