जयंत्यांची विचारसंहिता...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
------------------------

जयंत्यांची विचारसंहिता

बहुतेक साऱ्या जयंत्या,
नाचून साजऱ्या केल्या जातात.
खूपच कमी जयंत्या मात्र,
वाचून साजऱ्या केल्या जातात.

जयंत्या टिच्चून साजऱ्या करा,
विचार वेचून साजऱ्या करा.
जयंत्या नाचून करण्यापेक्षा,
जयंत्या वाचून साजऱ्या करा.

विचारांच्या तालावरतीच,
सारा समाज नाचला पाहिजे!
फक्त डीजेचा आवाज नको,
थोरांचा विचार पोचला पाहिजे!!

-सूर्यकांत डॊळसे,पाटोदा(बीड)
मोबाईल-9923847269
----------------------------------
चिमटा-6772
दैनिक पुण्यनगरी
वर्ष -19वे
9एप्रिल2023