पॉलिटिकल सिग्नल..प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
------------------------

पॉलिटिकल सिग्नल

कुणाची निरवानिरव चालू आहे.
कुणाची सावरासावर चालू आहे.
कुणी झालाय कावराबावरा,
कुणाची आवराआवर चालू आहे.

कुणी मारतोय ढगात गोळ्या,
कुणी हवामानाचा अंदाज घेत आहे.
गाड्यांबरोबर नळ्यांची तर,
नेहमीप्रमाणेच यात्रा होत आहे.

कुणी करतोय चलबिचल,
कुणी निश्चयी आणि ठाम आहे !
ग्रीन सिग्नलची वाट बघत बघत,
सध्या ट्राफिकसुद्धा जाम आहे!!

-सूर्यकांत डॊळसे,पाटोदा(बीड)
मोबाईल-9923847269
--------------------------------------------
चिमटा-6784
दैनिक पुण्यनगरी
वर्ष -19वे
21एप्रिल2023