इम्पॅक्ट प्लेयर...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
------------------------

इम्पॅक्ट प्लेयर

तो सहजासहजी भेटत नाही,
तसा तो खूपच रेअर असतो.
पण प्रत्येकाच्या आयुष्यात,
एक इम्पॅक्ट प्लेयर असतो.

ताण-तणाव आणि घासा-घिसीने,
सगळे आयुष्य सालटून जाते.
एकदा इम्पॅक्ट प्लेयर भेटला की,
सगळे आयुष्य पालटून जाते.

इम्पॅक्ट प्लेयर असतो परीस,
त्याला नीट जाणून घ्यायला हवे!
आयुष्याचे सोने होण्यासाठी,
आपण मात्र लोखंड व्हायला हवे!!

-सूर्यकांत डॊळसे,पाटोदा(बीड)
मोबाईल-9923847269
--------------------------------------------
चिमटा-6764
दैनिक पुण्यनगरी
वर्ष -19वे
1एप्रिल2023