तीन तिघाडे...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
------------------------

तीन तिघाडे...

दुरुस्ती करायची ठेवली बाजूला,
रोज नवी नवी बिघाडी होत आहे.
जणू काही महाविकास आघाडीची,
रोज महाविकास तिघाडी होत आहे.

कुणाची उलट सुलट विधाने,
कुणी उगीचच गळे काढीत आहेत.
कुणी घेतोय एकट्याच सभा,
कुणी कुणी अफवा सोडीत आहेत.

कुणी आघाडीवर फिरवतोय नांगर,
कुणा कुणाची हळुवार निंदणी आहे !
तिघाडीकडून बिघाडीकडे,
महाविकास आघाडीची बांधणी आहे!!

-सूर्यकांत डॊळसे,पाटोदा(बीड)
मोबाईल-9923847269
-----------------------------------
चिमटा-6788
दैनिक पुण्यनगरी
वर्ष -19वे
25एप्रिल2023