महाराष्ट्राची हास्य जत्रा...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका

------------------------

महाराष्ट्राची हास्य जत्रा

लोकशाही स्वातंत्र्याची स्वैरता,

लोकशाहीलाच खतरा झाली आहे.

अगदी थोडक्यात सांगायचे तर,

महाराष्ट्राची हास्य जत्रा झाली आहे.

एकमेकांच्या हातामध्ये,

एकमेकांचे राजकीय बिंग आहे.

शेरास सव्वाशेर वाटावा असा,

प्रत्येकजण कॉमेडी किंग आहे.

पहिली एपिसोड संपेपर्यंत तर,

दुसरा तिसरा एपिसोड रेडी आहे!

वरवर कॉमेडी वाटली तरी,

ही खरी महाराष्ट्राची ट्रॅजेडी आहे!!

-सूर्यकांत डॊळसे,पाटोदा(बीड)

मोबाईल-9923847269

---------------------------------------

फेरफटका-8223

दैनिक झुंजार नेता

वर्ष -23वे

7एप्रिलमार्च2023