संघटन विकृती...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
------------------------

संघटन विकृती

सामाजिक संघटना म्हणजे,
गुंडा पुंडांच्या टोळ्या झाल्या.
सामाजिक संघटना नावाच्या,
जगजाहीर होळ्या झाल्या.

संघटनाच्या नावाखाली,
गुंडगिरीला आधन आले.
सामाजिक संघटना म्हणजे,
उदरनिर्वाहाचे साधन झाले.

संघटन आणि समाजसेवा,
ह्या तर त्यांच्या फपाऱ्या आहेत !
रोज कुणाच्या ना कुणाच्यातरी,
त्यांना राजरोस सुपाऱ्या आहेत !!

-सूर्यकांत डॊळसे,पाटोदा(बीड)
मोबाईल-9923847269
---------------------------------------
फेरफटका-8230
दैनिक झुंजार नेता
वर्ष -23वे
14एप्रिल2023