गंगा म्हणाली भागीरथीला...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
------------------------

गंगा म्हणाली भागीरथीला

मी म्हणजे तू;तू म्हणजे मी,
तरी मी तुझ्या आधी आहे.
याचा अर्थ मुळीच असा नाही,
मीसुद्धा नामांतरवादी आहे.

तुला मला पुढे करून,
नेमके काय साधणार आहेत?
विधवा ह्या विधवाच राहतील,
त्या थोड्याच सधवा होणार आहेत?

नामांतराने प्रश्न निर्माण होतात,
नामांतराने प्रश्न सुटत नाहीत !
कालचे अपंग आज दिव्यांग झाले,
नाममात्रही संतुष्ट भेटत नाहीत !!

-सूर्यकांत डॊळसे,पाटोदा(बीड)
मोबाईल-9923847269
--------------------------------
चिमटा-6779
दैनिक पुण्यनगरी
वर्ष -19वे
16एप्रिल2023