कौन बनेगा मुख्यमंत्री?....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
------------------------

कौन बनेगा मुख्यमंत्री?

कोण जातील? कोण येतील?
याची तशी कुणालाच हमी नाही.
महाराष्ट्रात भावी मुख्यमंत्र्यांची,
तशी अजिबातच कमी नाही.

काल म्हणे त्याचा पिच्छा होता,
आज म्हणे याचा पिच्छा आहे.
प्रत्येकालाच मुख्यमंत्रीपदाची,
अगदी शंभर टक्के इच्छा आहे.

फक्त इच्छा असून भागत नाही,
आकडेही जुळवता आले पाहिजेत!
जनतेबरोबर हायकमांडचेही,
आशीर्वाद मिळवता आले पाहिजेत!!

-सूर्यकांत डॊळसे,पाटोदा(बीड)
मोबाईल-9923847269
---------------------------------
चिमटा-6785
दैनिक पुण्यनगरी
वर्ष -19वे
22एप्रिल2023