सामाजिक आरोग्य..प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

सामाजिक आरोग्य

शपथा खोट्या वाटू लागल्या,
आणा भाका खोट्या वाटू लागल्या.
अविश्वासाच्या शंका कुशंका,
सर्वांच्या मना-मनात दाटू लागल्या.

शंका आणि कुशंकांबरोबरच,
अविश्वासाचे वादळ उठले आहे.
ज्यांच्या त्यांच्या भोववताली,
संशयाचे दाट धुके दाटले आहे.

जो तो आपल्याच तोऱ्यात आहे,
जो तो आपल्याच हेक्यात आहे !
सामाजिक आरोग्य तर,
आज जरा जास्तच धोक्यात आहे !!

-सूर्यकांत डॊळसे,पाटोदा(बीड)
मोबाईल-9923847269
--------------------------------
दैनिकवात्रटिका
वर्ष -3रे
26ऑक्टोबर2023
 

सामाजिक आरोग्य

आजची वात्रटिका
-----------------------------------

सामाजिक आरोग्य

नको तो किडा आणि कीड,
ज्याच्या त्याच्या डोक्यात आहे.
त्यामुळेच सामाजिक आरोग्य,
जरा जास्तच धोक्यात आहे.

जे जे सामाजिक कुपथ्य आहे,
ते ते नित्य टाळले पाहिजे !
सामाजिक स्वास्थ्यासाठी सर्वांनी,
सामाजिक पथ्य पाळले पाहिजे !!

-सूर्यकांत डोळसे,पाटोदा(बीड)
मोबाईल-9923847269
----------------------------------------
#आजच्यावात्रटिका
#वात्रटिका
#सूर्यकांतडोळसे
#मल्टीमीडिया_वात्रटिका
#चेंडूचीफुले 
--------------------------------
माझ्या वात्रटिका शेअर करण्यासाठी कुठल्याही परवानगीची गरज नाही.
वात्रटिका जशी आहे तशी आणि माझ्याच नावासह शेअर करायला,संदर्भासाठी वापरायला हरकत नाही.
खूप जण मोठ्या प्रमाणात शेअर करीत आहेत.इतरांनीही ते करावे अशी अपेक्षा आहे.
सर्वांचे पुन्हा एकदा आभार.

-सूर्यकांत डोळसे
https://suryakantdolase.blogspot.com/