लग्नाचा 'रिअ‍ॅलिटी’ शो

हे मात्र खरे आहे की,
जिथे पिकते तिथे विकत नाही.
रिअ‍ॅलिटी शो मधले लग्न
अगदी हमखास टिकत नाही.

उथळ पाण्याचा असा
नको तेवढा खळखळाट असतो !
लगलेल्या लग्नालाही
अनेक जणांच तळतळाट असतो !!


-सूर्यकांत डोळसे,पाटोदा (बीड)

सूर्यकांत डोळसे यांची कविता..त्यांच्याच आवाजात

कैद्यांचे मनोगत

आम्ही सामान्य कैदी असलो तरी,
तुमच्या नजरा तुच्छ असतात.
आबु सालेममुळे तरी कळाले,
कैद्यांचे टॉयलेट स्वच्छ असतात.

आम्हीपण माणसे आहोत
एकावरती एक कोंबू नका !
नट्यांचे उघडॆ फोटो नकोत
पण अंधारकोठडीत डांबू नका !!

-सूर्यकांत डोळसे,पाटोदा (बीड)

रतिबाचे दूध

अकरावीचा गर्भपात

साप्ताहिक सूर्यकांती:वात्रटिकांचा नजराणा चा ९ वा अंक.

नमस्कार,
हा आहे साप्ताहिक सूर्यकांती:वात्रटिकांचा नजराणा चा ९ वा अंक.
खास मराठी वात्रटिकांसाठी वाहिलेले पहिले आणि एकमेव साप्ताहिक !
१)हा अंक वाचण्यासाठी http://weeklysuryakanti.blogspot.com/ इथे क्लिक करा.
२) यापूर्वीचे सर्व अंक डाऊनलोड करण्याची तिथेच सोय आहे.
३)आपण http://sites.google.com/site/suryakantdolase/vatratika इथूनही सर्व अंक डाऊनलोड करू शकता.
बघा...वाचा...अभिप्राय नोंदवा !
हा उपक्रम आवडला तर आपल्या मित्रांनाही नक्की पाठवा.
तुम्हाला नियमित अंक हवे असतील तर

फुs मंतर

ज्यांना गुरू म्हटले जाते,
तेच अजून शंकीत आहेत.
अडल्या-नडल्या शिष्यांचे
तेच कान फुंकीत आहेत.

शिष्यांबरोबर गुरूंचीही
लोकसंख्या वेगाने वाढते आहे !
सांगायचीच सोय नाही,
भक्तांना आंधळेपण नडते आहे !!

-सूर्यकांत डोळसे,पाटोदा (बीड)

एकीचे बळ

जिकडे वजन पडेल
तिकडे तराजू झुकवला जातो.
पळवाटांचा फायदा घेऊन
इथे कायदा वाकवला जातो.

व्यवस्था सामिल असली की,
सर्वच कायद्यात बसवले जाते !
एवढेच नाही तर
चक्क वांझोटीलाही प्रसवले जाते !!

-सूर्यकांत डोळसे,पाटोदा (बीड)

फॉलोऑन

फक्त क्रिकेटमध्येच नाही,
तर सर्वत्र दिला जातो.
आपापल्या सवडीप्रमाणे
विरोधकाचा गेम केला जातो.

पराभवाची टांगती तलवार
विरोधकाच्या माथी असते !
जिंकणे आणि हरणेही
फॉलोऑन देणाराच्या हाती असते !!

-सूर्यकांत डोळसे,पाटोदा (बीड)

बिहार स्टाईल

चंद्रा-ग्रहण

संयमाचा बांध फुटला,
होऊ नये ते होऊ लागले.
बाभळीच्या पाण्यामध्ये
महाराष्ट्राला पाहू लागले.

आंध्राच्या चंद्राची प्रतिमा
बाभळीने डागाळली आहे!
हायटेक असणारी प्रतिमा
बाभळीने भेगाळली आहे !!

-सूर्यकांत डोळसे,पाटोदा (बीड)

पोटोबांचे अभंग

साप्ताहिक सूर्यकांती...वात्रटिकांचा नजराणा ८ वा अंक

सप्रेम नमस्कार,
साप्ताहिक सूर्यकांती...वात्रटिकांचा नजराणा
चा ८ वा अंक सोबत जोडलेला आहे.अंक वाचा प्रतिक्रिया कळवा...मित्रांनाही पाठवा.
आपण हा अंक http://weeklysuryakanti.blogspot.com/ इथेही वाचून ई-वाचनाचा अनोखा अनुभव घेऊ शकता.
नेहमी प्रमाणेच सहकार्य अपेक्षित आहेच.
कळावे,
आपला
सूर्यकांत डॊळसे,
संपादक-सा.सूर्यकांती
सूर्यकांती-ई-प्रकाशन
पाटोदा (बीड)महाराष्ट्र
email-suryakant.dolase@gmail.com

पालकांनो सावधान...

चंद्रा-बाबू

ज्या गावच्या बोरी
त्याच गावच्या बाभळी आहेत.
तरी आपल्या शेजार्‍यांना
शेजारपणाच्या उबळी आहेत.

आप्पापेक्षा बाबू
भलताच चंद्रा दिसतो आहे!
एक करतो नाटक,
दुसरा बळेचच घुसतो आहे !!

-सूर्यकांत डॊळसे,पाटोदा (बीड)

होम डिलिव्हरी

ज्यांच्याकडे पैसे आहेत,
त्यांचा मनस्ताप टळणार आहे.
आता जादा पैसे मोजून
गॅस घरपोच मिळणार आहे.

सरकारचा गैरसमज असा की,
आपली योजना भारी आहे !
खरे वास्तव असे की,
हे आधीपासूनच जारी आहे !!

-सूर्यकांत डॊळसे,पाटोदा (बीड)

कोंबडीचा सवाल

नवा ’रूप’या

हम भी कुछ कम नही
भारतीय रूपयाचं म्हणणं आहे.
भारतीय रूपयाला
आता स्वत:चे चिन्ह आहे.

रूपया भारतीय असला तरी,
त्याला जागतिक लुक आहे !
जागतिक होतानाच
त्याला सांस्कृतिक भूक आहे !!

-सूर्यकांत डॊळसे,पाटोदा (बीड)

पालखी सोहळा

विटलेल्या लोकांच्या
प्रतिक्रिया बोलक्या असतात.
मंत्र्या-संत्र्यांचे दौरे म्हणजे
बारामाही पालख्या असतात.

पुढे-मागे भोई,आत मंत्री-संत्री,
वर लाल दिवा फिरत असतो !
"यांच्यापासून सावध रहा"
जणू हाच इशारा करत असतो !!

-सूर्यकांत डॊळसे,पाटोदा (बीड)

.

न्यायदान

अन्याय झाल्यावर वाटते,
असे कसे काय होते?
जसे असतात पुरावे
तसाच कोर्ट न्याय देते.

घटनेपेक्षा पुरावे,
पुराव्यांपेक्षा मांडणी मोठी ठरते !
’देर हैं,लेकीन अंधेर नही’
ही विश्वासार्हता खोटी वाटते !!

-सूर्यकांत डॊळसे,पाटोदा (बीड)

ऑल दि बेस्ट

बेस्ट ऑफ फाईव्हचा मुद्दा
कोर्टाला पचला गेला.
नव्या गुणपत्रिकांचा
खर्च सुद्धा वाचला गेला.

बेस्ट ऑफ फाईव्हचा असा
एक वर्षीय कदम ताल आहे !
अकरावीच्या प्रवेशाला
अखेर पुढची चाल आहे !!

-सूर्यकांत डॊळसे,पाटोदा (बीड)