राजकीय पत्रा-पत्री ....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

राजकीय पत्रा-पत्री

अत्र.. तत्र.....अगदी सर्वत्र,
चर्चेत फक्त पत्र एके पत्रं आहेत.
कुणी एकमेकांचे विरोधक,
कुणी कुणी तर चक्क मित्र आहेत.

मोबाईलच्या जमान्यातही,
सर्वांची पत्रा-पत्री रंगते आहे.
ज्याला त वरून ताकभात कळतो,
त्यालाच ती काहीतरी सांगते आहे.

कुणाकुणासाठी पत्रा पत्री म्हणजे,
जुन्या जमान्यातील बाब आहे !
लोक काही उगीच म्हणीत नाहीत,
सध्याचा जमानाच खराब आहे ! !

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8419
दैनिक झुंजार नेता
वर्ष -23वे
14डिसेंबर2023