अस्थिर भविष्य...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

अस्थिर भविष्य

जे काल एकत्र लढलेले,
उद्या ते वेगवेगळे लढू शकतात.
काल वेगळे लढलेले एकत्र येतील,
असेही प्रकार इथे घडू शकतात.

त्यांची त्यांनाच खात्री नाही,
उद्या नेमके काय होऊ शकते ?
आज एक ठरविले तरी,
येणारी वेळच उत्तर देवू शकते.

स्वतःचे मालक कुणीच नाहीत,
मागे बोलविते धनी आहेत !
ते बोलत एक असले तरी,
वेगळेच विचार मनोमनी आहेत !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8429
दैनिक झुंजार नेता
वर्ष -21वे
24डिसेंबर2023