पोल - खोल...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

पोल - खोल

निकाल मान्य;पण अंदाज आवरा,
अशीच पोलवाल्यांची तऱ्हा आहे.
कसल्या कसल्या आकडेवारीचा,
आपल्यापुढे पेऱ्यामागे पेरा आहे.

निवडणूक निकालांच्या अंदाजला,
विश्लेषणाचा खमंग तडका असतो.
चॅनल-चॅनलवर पॅनलवाल्यांचा,
चर्चेचा भडक्यावर भडका असतो.

प्रत्यक्ष निकाल नाकारत नाहीत,
एवढे तरी पोलवाले बरे करतात !
प्रत्यक्ष निकाल कसेही लागोत,
ते आपलेच अंदाज खरे करतात!!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8409
दैनिक झुंजार नेता
वर्ष -23वे
2 डिसेंबर2023