अवमूल्यन...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

अवमूल्यन

निष्ठावंत सारख्या शब्दांचे अर्थ,
किती खाली खाली आले आहेत.
गद्दार आणि स्वाभिमानी,
हेच समानार्थी शब्द झाले आहेत.

निष्ठावंतांपेक्षा गद्दारांचाच,
आज राजकारणात वट आहे.
स्वतःबरोबर शब्दांच्याही,
किंमतीमध्ये खूप मोठी घट आहे.

जेवढी असते अडी-नडीची वेळ,
तेवढी गद्दारांना किंमत येत !
स्वतःला स्वाभिमानी म्हणायला,
म्हणूनच गद्दारांना हिंमत येते !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8436
दैनिक झुंजार नेता
वर्ष -24वे
31डिसेंबर2023