देवा - धर्माचा धंदा...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

देवा - धर्माचा धंदा

देवाचा आणि धर्माचा धंदा,
आपल्या देशाला काही नवा नाही.
देवाधर्माचा धंदा करणाऱ्या विषयी,
आमच्याही मनात काही हेवा नाही.

कुणी श्रद्धेची नशा दिली की,
जनताही त्यालाच भुलती आहे.
लोकांच्या भक्ती आणि श्रद्धेवरच,
देव - धर्माच्या धंद्याला चलती आहे.

लोकांच्या भक्ती आणि श्रद्धेचे,
धंद्याबरोबर राजकारण जोरात आहे !
ज्याचे त्याचे स्वार्थकारणही,
ज्याच्या त्याच्या उरात आहे !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8434
दैनिक झुंजार नेता
वर्ष -24वे