अंदाज पंचे....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

अंदाज पंचे....

निवडणूक पूर्व अंदाजावरून,
एकमेकांना खेटायला लागले.
अंदाज पंचे दहावो दर्शे करीत,
आपलाच पक्ष रेटायला लागले.

अंदाजावर भाष्य करणारे,
जसे दिल्लीचे तसे गल्लीचे आहेत.
ही सगळी रंगीत स्वप्ने,
खरोखरच शेखचिल्लीचे आहेत.

ते जागांचे अंदाज सांगून मोकळे,
साधी निवडणुकांची वाट नाही !
अजून घोडा आणि मैदान यांची,
साधी नावालासुद्धा गाठ नाही !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8431
दैनिक झुंजार नेता
वर्ष -24वे
26डिसेंबर2023