भक्ती प्रपंच...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

भक्ती प्रपंच

गरज पडेल तेव्हा,
भक्तांची भक्ती आळवली जाते.
गरज पडेल तेव्हा,
भक्तांची भक्ती खेळवली जाते.

पाहिजे तेव्हा पाहिजे तिथे,
भक्तांची भक्ती भाळवली जाते.
भक्तांना क्रॉस चेक करत,
भक्तांची भक्ती चाळवली जाते.

भक्तांना गुलाम करण्याची,
दरवेळी नवी नवी युक्ती असते !
जी भक्तांना नाचवू शकते,
ती फक्त भक्ती आणि भक्ती असते !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8428
दैनिक झुंजार नेता
वर्ष -24वे
23डिसेंबर2023