पीएचडीचे दिवे..प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

पीएचडीचे दिवे

पीएचडी करून काय दिवे लावणार?
हा तर मोठ्या संशोधनाचा विषय आहे.
पण कितीही नाही म्हटले तरी,
विधानात टवाळकीचा आशय आहे.

कालच्या त्या धरणाची चर्चा,
आता आता कुठे ओसरते आहे.
कितीही आत्मकलेश केले तरी,
गाडी पुन्हा नको तिकडे घसरते आहे.

हश्या मिळेल;टाळ्याही मिळतील,
सोबत फटकळपपणाही सिद्ध होईल !
पुन्हा नव्याने आत्मक्लेष केला तर,
आत्मक्लेषाचीसुद्धा हद्द होईल !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8421
दैनिक झुंजार नेता
वर्ष -24वे
15डिसेंबर2023