शत्रूत्व संहिता ...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

शत्रूत्व संहिता

जर असे वाटत असेल की,
अंडीपिल्ली बाहेर येवू नयेत.
तर आपल्याच मित्रांचे,
चुकूनही शत्रू होवू देवू नयेत.

शत्रूंचे मित्र झाले तरी चालेल,
पण मित्रांचे शत्रूत्व झेपत नाही.
कारण कपड्यांच्या आतलेही,
तिथे काहीसुद्धा लपत नाही.

मग आपलीच आपल्या सोबत,
सतत लपाछपी खेळावी लागते !
आपलीच सावलीसुद्धा,
आपल्यालाच टाळावी लागते !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8432
दैनिक झुंजार नेता
वर्ष -24वे
27डिसेंबर2023