शांतता म्हणाली कायद्याला,...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

शांतता म्हणाली कायद्याला,

तुला यायचं तर राग येऊ दे,
तुझ्यामुळे माझी ही अवस्था आहे.
वर तू म्हणायला मोकळा,
सगळी कशी सुव्यवस्था आहे.

वरवर शांतता असली तरी,
आत मध्ये मात्र अशांतता आहे.
तू कितीही कडक दिसलास तरी,
तुझ्यामध्ये मात्र संथता आहे.

तुला आणि मलाही कळते,
हे सगळे नेमके कसे होते आहे?
आपल्या दोघांचे मात्र,
सदा न कदा असे होते आहे !

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8426
दैनिक झुंजार नेता
वर्ष -21वे
22डिसेंबर2023