उपोषण सम्राट...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

उपोषण सम्राट

उपोषणावर उपोषण,
थेट प्रसिद्धीच्या झोतात आहे.
अण्णांचा उपोषणाचा विक्रम,
आता मोडायच्या बेतात आहे.

संविधानिक मार्गांचेही,
आता भलतेच थाटमाट आहेत.
नवी मागणी;नवे आंदोलनं,
रोज नवे उपोषण सम्राट आहेत.

मागण्यांचे बुक बसत गेले की,
गिनीज बुक जवळ येऊ लागते !
गांभीर्य कमी कमी होत जाऊन,
उपोषणाचेही हसू होऊ लागते !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8430
दैनिक झुंजार नेता
वर्ष -21वे
25डिसेंबर2023