सार्वकालिक सत्य...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका

-------------------------

सार्वकालिक सत्य

कधी टोमॅटोचा रेंदा असतो,

कधी कांद्याचा वांधा असतो.

प्रकार बारा महिने तेरा त्रिकाळ,

अगदी चांदा ते बांदा असतो.

जशी कधी असते आयातबंदी,

तशी कधी निर्यातबंदी असते.

जमला सगळाच मेळ तर,

निसर्गाचीसुद्धा अंदाधुंदी असते.

आलटून पालटून सगळेच,

शेतकऱ्यांच्या बाजूने दिसू लागतात !

त्यात राजकारण घुसले की,

अकलेचे कांदे;वांगे वासू लागतात !!

-सूर्यकांत डॊळसे,पाटोदा(बीड)

मोबाईल-9923847269

-------------------------------

फेरफटका-8417

दैनिक झुंजार नेता

वर्ष -23वे

11डिसेंबर2023