भांडा सौख्यभरे......प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

भांडा सौख्यभरे...

सत्ताधारी आणि विरोधक,
एकमेकांना खिंडीत गाठू लागले.
जसे शेराला सव्वाशेर,
अगदी चॅलेंज देत देत भेटू लागले.

शेराला सव्वाशेर ठरण्यातच,
अधिवेशनाचा वेळ पाण्यात आहे.
अगदी रोखठोक वाटावा,
असा आवेश त्यांच्या बाण्यात आहे.

परस्परांच्या सवालाला,
त्यांनी रोखठोक जवाब द्यावा !
पण दोघांच्या भांडणांमध्ये,
सामान्य जनतेचा लाभ व्हावा !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8415
दैनिक झुंजार नेता
वर्ष -23वे
9डिसेंबर2023