-----------------------------
अवतारी पुरुष?
अन्याय अत्याचार आणि शोषणाचे,
आकड्यावर आकडे फुगू लागले.
सगळेच्या सगळे अवतारी पुरुष,
योगायोगाने बलात्कारी निघू लागले.
योगाकडून योगाकडे नाही तर,
भोगाकडून भोगाकडे वाटचाल आहे.
आपल्या कुकर्माच्या बचावासाठी.
चक्क अवतारी पुरुषत्वाची ढाल आहे.
अवतरी पुरुष ते बलात्कारी पुरुष,
दुर्दैवाने हे ढळढळीत सत्य आहे !
ते म्हणती त्याला कृष्ण लीला,
मात्र हे तर त्यांचे कृष्ण कृत्य आहे !!
-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-9230
वर्ष-26 वे
दैनिक झुंजार नेता
28मार्च 2026
