संविधानाचा भावार्थ...मराठी वात्रटिका

आजची वात्रटिका

------------------------

संविधानाचा भावार्थ

संविधान भजले पाहिजे,

संविधान गाजले पाहिजे.

संविधान पुजता पुजता,

संविधान रुजले पाहिजे.

हक्काएवढेच कर्तव्यालाही,

वेळोवेळी जागले पाहिजे.

संविधानाला धन्य वाटेल,

असेच आपण वागले पाहिजे.

सविधान म्हणजे व्रत आहे,

संविधान म्हणजे राष्ट्रपंथ आहे !

भारतीयत्व हा राष्ट्रधर्म,

संविधान म्हणजे राष्ट्रग्रंथ आहे!!

-सूर्यकांत डॊळसे,पाटोदा(बीड)

मोबाईल-9923847269

----------------------------

फेरफटका-7769

दैनिक झुंजार नेता

26नोव्हेंबर 2021

 

एस. टी.संपायण,मराठी वात्रटिका

आजची वात्रटिका

------------------------

एस. टी.संपायण

सदाभाऊच्या 'खो'त,

गोपीचंदनाचे टिळे.

वाहक बोले चालकाला,

आपण वेडे की खुळे?

गुण आणि रत्न बघून,

सदा वर ते फिदा झाले.

वकिली सल्ला देत देत,

आझाद पंछी जुदा झाले.

डायव्हरशन सांगू लागले,

पुढे धोक्याचे वळण आहे!

जात्यात आणि सुपातही,

विलीनीकरणाचे दळण आहे!!

-सूर्यकांत डॊळसे,पाटोदा(बीड)

मोबाईल-9923847269

-----------------------

चिमटा-6333

दैनिक पुण्यनगरी

26नोव्हेंबर2021

 

पेच प्रसंग...मराठी वात्रटिका

आजची वात्रटिका

------------------------

पेच प्रसंग

चोर चोरांना घाबरू लागले,

पोलीस पोलिसांना घाबरू लागले.

थोडक्यात सांगायचे तर,

एकमेकांपेक्षा सगळेच गब्रू लागले.

सगळ्यांच्याच गबरूपणामुळे,

त्यांच्या अब्रुवरच टाच आहे !

गोंधळलेल्या कायद्यासमोर,

आपल्या विश्वासार्हतेचा पेच आहे !!

-सूर्यकांत डॊळसे,पाटोदा(बीड)

मोबाईल-9923847269

---------------------

फेरफटका-7766

दैनिक झुंजार नेता

25नोव्हेंबर 2021

 

संपाचे बूमरँग...मराठी वात्रटिका

आजची वात्रटिका

------------------------

संपाचे बूमरँग

संप फुटला जातो,

संप मिटला जातो.

संशयाचा धुरळा,

वारंवार उठला जातो

कुणी बाटगा असतो,

कुणी कोडगा असतो

सर्वमान्य होईल असा,

क्वचितच तोडगा असतो.

एकीची बेकी झाली की,

डोकेही हँग होवू शकते!

संपाचे दुधारी हत्यार,

मग बूमरँग होऊ शकते !

-सूर्यकांत डॊळसे,पाटोदा(बीड)

मोबाईल-9923847269

-----------------------

चिमटा-6331

दैनिक पुण्यनगरी

25नोव्हेंबर2021

 

दूध खुळेपणा.... मराठी वात्रटिका

आजची वात्रटिका

------------------------

दूध खुळेपणा

गोंधळात झाला गोंधळ,

ते बोळ्याने दूध पिते झाले.

म्हणूनच नको ते लोक,

नको नको त्यांचे नेते झाले.

लबाड त्यांचा चेहरा,

लबाड त्यांचे नेतृत्व आहे !

आयत्या पिठावर रेखोट्या,

असे त्यांचे कर्तृत्व आहे !!

-सूर्यकांत डॊळसे,पाटोदा(बीड)

मोबाईल-9923847269

----------------------------

फेरफटका-7765

दैनिक झुंजार नेता

24नोव्हेंबर 2021

 

कोरोना निवृत्ती...मराठी वात्रटिका

आजची वात्रटिका

------------------------

कोरोना निवृत्ती

कोरोनाचा हत्ती तर गेला,

पण शेपूट अडकू लागले.

इशाऱ्यावर इशारे,

गंभीर इशारे धडकू लागले.

कोरोनाला परतावे वाटेल,

असे कुणाचेच कीर्तन नको !

निवृत्तीच्या वाटेवरती,

आपले वेडगळ वर्तन नको !!

-सूर्यकांत डॊळसे,पाटोदा(बीड)

मोबाईल-9923847269

-----------------------

चिमटा-6330

दैनिक पुण्यनगरी

24नोव्हेंबर2021