लोक भ्रम...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

लोक भ्रम

लोकांना बहिकावण्याच्या,
खेळ्या अजून टळल्या नाहीत
लोकांना अजून आपल्या,
खऱ्या गरजा कळल्या नाहीत.

लोकांच्या खऱ्या गरजा,
लोकांना कळू दिल्या जात नाहीत.
लोकांच्या श्रद्धा आणि अंधश्रद्धा,
थोड्याही ढळू दिल्या जात नाहीत.

या सोडून पुढच्या जन्माची,
लोकांना आशा दाखवली जाते !
पुढच्या जन्माच्या तरतुदीची,
या जन्मी किंमत चुकवली जाते !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8453
दैनिक झुंजार नेता
वर्ष -24वे
17जानेवारी 2024