धार्मिक गोची...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

धार्मिक गोची

धर्माचे उपयोग कमी होवून,
दुरुपयोगच जास्त होत आहेत.
लोकांना धर्मांध बनवून,
धार्मिकतेचा फायदा घेत आहेत.

त्यामुळेच कधी वाटू लागते,
धर्म म्हणजे तर एक टोळी आहे,
कार्ल मार्क्सचे पटू लागते,
धर्म म्हणजे अफूची गोळी आहे.

लोकांना कळतं पण वळत नाही,
इथेच धर्माची खरी गोची आहे !
धर्म असा काही नाचवला जातो,
जणू धर्म कोठ्यावरची नाची आहे !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8446
दैनिक झुंजार नेता
वर्ष -24वे
10जानेवारी 2024