गेम प्लॅन...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

गेम प्लॅन

एकदा जल्लोष खपला की,
मग उन्मादाला प्रारंभ होतो.
दिखाऊ सोज्वळपणाचाही,
फिरून पुन्हा एकदा दंभ होतो.

आतला दंभ जागा झाला की,
मग दांभिकतेचा कळस होतो.
या सगळ्या बनवाबनवीचा,
मग नको तेवढा किळस येतो.

तरीही सगळ्या दांभिकतेला,
लोक सारे सरावलेले असतात !
खऱ्या खोट्याच्या दर्शनापासून,
लोक सारे दुरावलेले असतात !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8461
दैनिक झुंजार नेता
वर्ष -24वे
25जानेवारी 2024