हिट फॉर्म्युला..प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

हिट फॉर्म्युला

माणसासारखा माणूस झेपत नाही,
असे जेव्हा कळून चुकले जाते.
तेव्हा माणसासारख्या माणसालाच,
चक्क देव बनवून टाकले जाते.

माणसाचा देव बनवून भागत नाही,
अवताराचा मुलामा चढवला जातो.
मग ज्या त्या देवाविरुद्ध,
त्याचा त्याचा भक्तच लढवला जातो.

इतिहासाच्या पाना -पानावरती,
हाच फॉर्मुला हिट ठरला आहे !
विरोधकांना पाणी पाजणारा,
भक्तांविरुद्ध लढताना हरला आहे !

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8457
दैनिक झुंजार नेता
वर्ष -24वे
21जानेवारी 2024