बिहारनामा ...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

बिहारनामा

नितीशकुमार झाले मुख्यमंत्री,
ना कसली गद्दारी; ना कसले बंड.
बिहार म्हणाला लोकशाहीला,
एकदाचा जिरला का तुझा कंड ?

कोण कोणत्या पक्षाचे मुख्यमंत्री?
हे मात्र कुणी मोजू -बिजू नका.
त्यांनाच त्याची काही वाटत नाही,
तुम्हीसुद्धा काही लाजू बिजू नका.

दोन फुल;एक हाफ,
परंपरा दृढ केली जाते आहे !
आपली भारतीय लोकशाही,
उत्तरोत्तर खूप प्रगल्भ होते आहे !

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8464
दैनिक झुंजार नेता
वर्ष -24वे
29जानेवारी 2024