आजची वात्रटिका
-------------------------
तिचे दिनविशेष
तीन आणि बारा जानेवारीला,
लागूनच संक्रांत येत असते.
आपण येडे की खुळे आहोत?
ती दरवर्षी चिंताक्रांत होत असते.
तीन जानेवारी,बारा जानेवारी,
काळ तिची परीक्षा घेत राहतो.
तिच्या दुटप्पी वागण्याला,
आठ मार्च धक्का देत राहतो.
आपण सबला की आबला?
डोक्यात तबला वाजत राहतो !
पुढे जाता जाता मागे जाणे,
हा उलटा प्रवास गाजत राहतो !!
-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8449
दैनिक झुंजार नेता
वर्ष -24वे
13जानेवारी 2024
No comments:
Post a Comment