महा-काव्य-शक्ती...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

महा -काव्य-शक्ती

काव्यात एवढी महाशक्ती आहे की,
जी वाल्याचाही वाल्मिकी करू शकते.
काव्यप्रतिमेपुढे प्रत्यक्ष वास्तवताही,
अगदीच फिकी फिकी ठरू शकते.

काव्यशक्ती जशी वास्तवाला कल्पना,
तशी कल्पनेलाही वास्तव ठरवू शकते.
महाकाव्य नावाच्या साहित्याला,
जनता डोक्यावर घेऊन मिरवून शकते.

महाकाव्यशक्तीच्या व्यासामध्ये,
विश्वलाही सामावण्याची शक्ती आहे !
हे साहित्यिकांनो पुन्हा सिद्ध करू,
आपल्या शब्दातही शक्ती-भक्ती आहे !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8458
दैनिक झुंजार नेता
वर्ष -24वे
22जानेवारी 2024